Publicidade
X Pechar
O Pescados Rubén Burela FS medirase nesta sexta xornada ao Xaloc Alacant nun duelo de opostos entre o podio e o fondo da táboa. Dende a segunda praza e sen erro na súa andadura, as Guerreiras Laranxas saltarán á pista do Pitiu Rochel de Alacante mañá, as 16.00 horas, fronte a un novel na categoría que aínda non conseguiu puntuar e ocupa a última posición. Tamén con 15 puntos, na zona alta Futsi Atlético Navalcarnero e Ourense Envialia terán a compromisos a domicilio de contrastes, fronte ao Majadahonda (0 puntos), penúltimo, e Bilbo FS (3 puntos), antepenúltimo. “Pola clasificación é un partido accesible e deberiamos traer os tres puntos, pero se imos con ese pensamento temos más que perder que gañar. Nós iremos a por todas, intentando mellorar xornada a xornada” aseguraba a capitá Bea Mateos. “Xaloc está necesitado de puntos; aos que equipos que soben sempre lles custa, nótase a diferenza entre os conxuntos que xa estamos asentados na categoría e os novos. De todos xeitos, nós agardamos un rival con ganas de pelexar, co aliciente de estar na mellor liga e ademais na súa casa” explicaba a 14 laranxa, incidindo na evolución que está experimentando o Pescados Rubén, reflectida á perfección o sábado pasado en Vista Alegre: “Con Leganés deuse o paso adiante en intensidade que estabamos buscando dende o comezo de liga, tras o gran papel da 4Nations Futsal de Milán e da Supercopa. Oxalá se manteña así a partir de agora”, confesaba a salmantina vendo o inicio dunha liga moi bonita por diante, con moitos candidatos para o cumio: “Futsi sempre está aí, xa o agardabamos así, e Ourense demostra tempada a tempada tamén que é un rival moi complicado. Creo que haberá máis equipos aí na loita como Poio ou UA, a pesar do seu comezo” concluía Bea Mateos. O conxunto mariñán realizou a última sesión da semana á súa chegada a terras alacantinas, ás 12.30 horas. Luci non viaxou co equipo por motivos persoais. Convocatoria Pescados Rubén Burela FS: 1. Jozi, 3. Dany, 6. Cilene, 7. Peque, 9. Jenny, 10. Lara Balseiro, 11. Jane, 12. Ana Romero, 14. Bea Mateos, 17. Ale de Paz, 21. Jenny Lores
Ler máis
Achégase a xornada 6 de Primeira coa segunda visita xa dos burelistas ante un dos titáns na elite. O Pescados Rubén Burela FS medirase ao histórico ElPozo Murcia este sábado, ás 13.00 horas, ante as cámaras de GOL. “Para nós cada partido é unha final, sabémolo desde o inicio de liga. Estamos pelexando por conseguir a primeira vitoria da tempada e a entidade do rival non vai desviar o noso obxectivo” aseguraba un dos grandes baluartes dos mariñáns, o meta Edu. Os laranxas, con 1 punto na súa cuadrícula, enfrontaranse á grandiosidade de ElPozo, cuarto clasificado (10 puntos), que só saíu derrotado ata o momento na xornada inaugural co Parrulo (3-2). O conxunto local regresa esta semana á competición ligueira tras os seus compromisos na UEFA Champions League. Para Edu é cuestión de tempo que cheguen os bos resultados; o camiño é o correcto. O equipo está puíndo detalles aos poucos e pode competir contra calquera, así o está demostrando. Agora o máis importante é o factor mental: “Ata agora ningún rival foi moi superior en xogo; estamos competindo ata a recta final, pero tamén temos algúns minutos nos que aparecen certas lagoas que nos lastran demasiado. Sobre iso estamos traballando, aos poucos ímolo solucionando e imos a Murcia con todo”. “Estamos xerando ocasións, pero no momento crucial esváense as intencións. Temos que ser máis contundentes, estar máis firmes nesas situacións. Se defensivamente estamos ao noso mellor nivel, cun pouco de afinación nas ocasións, teremos posibilidades. Todos estamos ao cento por cento para a cita” advertía en naronés, confiando na actitude, ganas e alma do grupo. O conxunto mariñán, que partirá esta noite ás 23.00 horas, realizará a última sesión da semana mañá ás 12.00 no José María Cagigal. Convocatoria Pescados Rubén Burela FS: 1. Edu, 2. Joselito, 4. Lucho, 6. Luisma, 7. R. Vargas, 10. Matamoros, 11. Juanfran, 12. Renato, 14. Pope, 20. Everton, 22. Álex Diz, 24. M. Kaluza
Ler máis
Próximo partido
Partido pertencente á 6ª xornada
ElPozo Murcia
3 victorias | 1 empates | 1 derrotas
Puntos acumulados: 10
Pescados Rubén-Burela FS
0 victorias | 1 empates | 4 derrotas
Puntos acumulados: 1
Cancha de xogo:
Palacio dos Deportes de Murcia
Data:
19 de outubro de 2019
Última xornada
Partidos celebrados o 12/10/2019
Pescados Rubén-Burela FS 1 4 Viña Albali Valdepeñas
CA Osasuna Magna 4 1 Levante UD FS
Palma Futsal 2 1 Servigroup Peñíscola
Aspil Jumpers Ribera 3 6 FC Barcelona
Industrias Santa Coloma 2 5 Movistar Inter
Córdoba Patrimonio 3 5 ElPozo Murcia
Jaén Paraíso Interior 2 0 Fútbol Emotion Zaragoza
Jimbee Cartagena FS 2 2 O Parrulo Ferrol
Clasificacion
Division de honra 2019 / 2020
1FC Barcelona 15
2Movistar Inter15
3CA Osasuna Magna12
4ElPozo Murcia10
5Viña Albali Valdepeñas8
6Jaén Paraíso Interior7
7Levante UD FS7
8O Parrulo Ferrol7
9Palma Futsal7
10Córdoba Patrimonio6
11Servigroup Peñíscola5
12Fútbol Emotion Zaragoza4
13Industrias Santa Coloma4
14Jimbee Cartagena FS2
15Aspil Jumpers Ribera2
16Pescados Rubén-Burela FS1
Goleador
Luisma
GolesXogador
2Luisma
2Matamoros
1Lucho
1Pope
1Renato
Próximo partido
Partido pertencente á 6ª xornada
Xaloc Alacant A
0 victorias | 0 empates | 5 derrotas
Puntos acumulados: 0
Pescados Rubén-Burela FS
5 victorias | 0 empates | 0 derrotas
Puntos acumulados: 15
Cancha de xogo:
Municipal Pitiu Rochel
Data:
19 de outubro de 2019
Última xornada
Partidos celebrados o 12/10/2019
Pescados Rubén-Burela FS 3 1 Leganés Masdeporte
UCAM ElPozo Murcia 5 0 Bilbo FS
Universidad de Alicante 1 4 Pescamar Poio FS
Ourense Envialia 3 2 Roldán FSF
Penya Espluges Gironella FS 2 0 Majadahonda FSF/Afar 4
AD Alcorcón FSF 4 1 Cidade das Burgas
CD Futsi Atlético Navalcarnero 5 2 Móstoles FSF
AD Sala Zaragoza 4 0 Xaloc Alacant A
Clasificacion
Division de honra 2019 / 2020
1CD Futsi Atlético Navalcarnero15
2Pescados Rubén-Burela FS15
3Ourense Envialia15
4AD Alcorcón FSF12
5AD Sala Zaragoza11
6Pescamar Poio FS7
7Leganés Masdeporte7
8UCAM ElPozo Murcia6
9Roldán FSF6
10Penya Espluges Gironella FS4
11Móstoles FSF4
12Universidad de Alicante3
13Cidade das Burgas3
14 Bilbo FS3
15Majadahonda FSF/Afar 40
16Xaloc Alacant A0
Goleadora
Peque
GolesXogadora
5Peque
4Ale de Paz
2Dany
2Jane
2Jenny
2Jenny Lores
2Lara
1Bea Mateos
1Cilene
Patrocinadores