Noticias
20 de novembro de 2009 Foto: Carlos Echevarría
O Burela FSF desprázase a Zaragoza na busca da sétima

O Burela FSF Pescados Rubén desprázase na décima xornada á capital aragonesa, na busca da sétima vitoria consecutiva na División de Honra. O pavillón Siglo XXI acollerá o encontro entre o Natudelia.com Zaragoza e o equipo laranxa o domingo, a partir das 12.00 horas.

Colocadas no podio e con 18 puntos, as pupilas de Javier Pardeiro volverán pelexar por sacarlle a máxima rendibilidade a un novo partido, unha vez máis ante un rival nada doado; as zaragozanas ocupan a quinta praza, con tan só tres puntos menos cás burelás. O cadro laranxa recorrerá a esas armas ofensivas que tan ben lle están funcionando na súa estrea en Honra con todos os seus efectivos, nunha pista férrea onde ata o momento o Natudelia só foi batido polo Kupsa 4 Arcos Logroño e o UCAM Murcia.

A Cajasur Córdoba (24) e Femesala Elche (20), primeiro e segundo clasificados, tocaralles enfrontarse esta fin de semana ao Soto del Real (décimo cuarto, 6 puntos) e CD Campillos (décimo terceiro, 9 puntos) respectivamente.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores