Noticias
24 de decembro de 2009
Os xuvenís Manuel e David vestirán a camiseta galega no nacional (27-30 decembro)

Os xuvenís do CD Burela FS Manuel Jiménez e David Rodríguez vestirán a camiseta galega na fase previa do Campionato de España de Seleccións Territoriais Sub-18, que arrincará en Santiago de Compostela (pavillón de Santa Isabel) o 27 de decembro.

Integrado no Grupo 4, o combinado de Santiago Valladares disputará esta eliminatoria como anfitrión fronte ao País Vasco e Aragón. O martes 29 (12.00 horas) Galicia enfrontarase ao perdedor do duelo entre os seus rivais e o mércores 30 (12.00) tocaralle medirse ao gañador. A selección galega soamente se clasificará para a fase final no caso de quedar primeira de grupo.

Nas mesmas datas, outras 13 comunidades pelexarán en catro sedes. En Melilla, o combinado local compartirá o Grupo 1 coas Canarias, Andalucía e A Rioxa. En Eivissa xogarán as Baleares, Madrid e a Comunidade Valenciana, no Grupo 2. En Murcia (Caravaca de la Cruz), a selección anfitrioa enfrontarase a Cataluña e Asturias, no Grupo 3. Estremadura, Castela-A Mancha e Castela e León compoñerán o Grupo 5, con sede en Badaxoz.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores