Noticias
5 de febreiro de 2010 Foto: Carlos Echevarría
O Burela FSF comeza a segunda volta exultante, ante o Gironella (domingo 7, 12.30 horas)

Tras conseguir o billete para a Copa de España 2010, o Burela FSF Pescados Rubén comeza esta fin de semana o segundo capítulo do seu periplo na elite futbolística, co arranque da segunda volta, ante o Gironella. Será en Vista Alegre, o domingo, ás 12.30 horas.

As pupilas de Javier Pardeiro estarán exultantes fronte a fronte co seu primeiro rival e primeiro verdugo da División de Honra; ante o Gironella, o Burela FS foi vítima da inexperiencia na categoría, quedando bloqueado por 4-0. Despois deste comezo inestable, o conxunto laranxa soubo repoñerse paseniño ata acadar a súa actual sexta posición (30 puntos). A traxectoria das catalás, coa undécima praza (20 puntos) nestes momentos, experimentou algún altibaixo máis, cunha boa recta final na primeira volta: dous empates, ante 4 Arcos Kupsa Logroño (3-3) e UCAM Murcia (1-1), e dúas vitorias, fronte a Pinto Cellosa Torrejón (2-4) e Teldeportivo (1-6).

Ro será a única do Burela FSF para a cita ante o Gironella; a xogadora laranxa arrastra molestias nun pé dende hai un par de días.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores