O Concello de Burela celebrará o Día Internacional da Muller (8 de marzo) con dous actos programados dende a súa delegación de Igualdade. O luns 8 de marzo, o auditorio da casa da cultura acollerá a proxección de curtametraxes “O cine delas” a partir das 20.30 horas, un ciclo no que se reflicte a visión do mundo dende a óptica feminina. Ao día seguinte, o vídeo “Memoria de muller” descubrirá a experiencia de cinco mulleres burelás coas novas tecnoloxías; será ás 19.00 horas, no salón de plenos do consistorio.