Noticias
23 de setembro de 2011
Os laranxas buscarán os tres puntos en Andorra

Os laranxas xa se atopan en terras pirenaicas, o seu primeiro destino a domicilio de 2011-12, para medirse na segunda xornada de liga ao Hotels Plaza Andorra, mañá ás 18.30 horas.

O Burela FS Pescados Rubén buscará os primeiros tres puntos da tempada, tras o trepidante empate ante ElPozo Ciudad de Murcia (3-3), ante un rival para o que será o debut do exercicio, despois o aprazamento co Martorell. Tras a marcha de Aramburu, Moisés e Xavi, o cadro andorrano presenta para 2011-12 as numerosas novidades de Junior, Miquel, Jonathan, Nacho Llamas, Jorge, Savito e Wellington.

Á baixa de Christian, que se someteu o sábado pasado a unha artroscopia no xeonllo dereito, súmase a ausencia de Iago Míguez no vestiario laranxa; o xogador burelao, que leva algúns días con molestias nun xeonllo, non viaxou aos Pireneos por precaución.

Na tempada pasada, os enfrontamentos entre andorranos e burelaos resolvéronse cun empate (2-2) e un triunfo para os galegos (7-2).

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores