Noticias
19 de outubro de 2011
A Pataca Naranxa en Granada

Ata o 25 de outubro os/as afeccionados/as burelistas poderán reservar praza para animar o equipo laranxa de Segunda División en Granada, ante o Oxipharma FS, o 5 de novembro, no encontro da oitava xornada.

A expedición laranxa partirá o venres 4 de novembro, ás 13.00 horas, nun desprazamento organizado pola peña A Pataca Naranxa, dende a cafetería Vista Alegre. A saída da cidade andaluza está prevista para as 9.00 horas do domingo 6.

Todas as persoas interesadas poderán formalizar a súa reserva co ingreso de 60 euros no número de conta (Nova Caixa Galicia Banco) 2091-0109-89-3040023173, indicando nome e apelidos. O devandito desembolso incluirá o desprazamento en autobús, aloxamento de dúas noites, almorzo do sábado e domingo, xantar do sábado e entrada para o partido.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores