Noticias
19 de xullo de 2012 A Mariña-El Progreso
O monitor laranxa Daniel Ladra adestrará na Primeira británica

O técnico da ED EON Burela FS Daniel Ladra, de 23 anos, asinou xa o seu contrato co London United Futsal e será adestrador do primeiro equipo, que competirá a vindeira tempada na Primeira División británica.

Ladra sopesou nos últimos días a oferta do equipo británico e finalmente aceptou o reto. O mozo, natural de Celeiro, explica que mantivo “contacto diario co presidente do club, James Rosa, por vía telefónica e Internet. Decidín aceptar e viaxarei o 4 de agosto para comezar a tempada”, apunta.

O mariñán, que tamén estivo ligado á estrutura do Xove FS dende a súa creación, amósase exultante e con ganas de comezar o desafío. “Tárdame moito comezar a traballar e teño moitas anas de vivir esta experiencia. Póñome como base a humildade e o traballo e penso que a partir destas dúas premisas pode saír ben”, recalca Ladra, que intensifica estes días os seus coñecementos de inglés.

O técnico podería levar consigo “a dous ou tres xogadores da Mariña” para acompañalo na súa aventura e configurar un equipo aspirante ás primeiras prazas. […]

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores