Noticias
21 de decembro de 2012
Roldán, broche a un excelente 2012 laranxa (domingo, 12.30)

O Burela FS Pescados Rubén de Javier Pardeiro tamén lle dirá adeus a 2012 na casa, na 13ª xornada de Primeira, arroupado por Vista Alegre. O domingo, ás 12.30 horas, recibirá o novel Roldán FS. “Temos que ir a por todas, para poñer o broche merecido a un excelente ano para o equipo e desquitarnos do anecdótico tropezo da semana pasada” afirmou o adestrador laranxa.


Dende o coliderado, as mariñás recibirán o rival murciano ocupando a décima posición (12 puntos), “un equipo novo, pero con moita calidade e gran rotación, con xogadoras procedentes de conxuntos de avoengo como o Elxe e o UCAM”, advertiu Pardeiro. O Burela FS terá que dosificar os seus efectivos con intelixencia, co hándicap engadido da ausencia de Dany, que tivo que desprazarse ao Brasil por trámites burocráticos: “Debemos contrarrestrar a súa maior amplitude no banco, marcando o ritmo do xogo; nalgúns momentos probablemente teremos que retrasar as liñas defensivas para manter o control e garantir a seguridade laranxa do encontro ao longo dos corenta minutos” explicou Pardeiro.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores