Noticias
4 de xaneiro de 2013
Xuvenís e infantís, os máis madrugadores na volta á liga
Selección da Mariña Alevín

A quen madruga… améncelle máis cedo, ou iso di o dito. Pois ben, os máis madrugadores da casa laranxa na base serán os xuvenís e infantís recuperando en Vista Alegre este sábado citas que quedaran no tinteiro.


Pola mañá, os infantís disputarán a segunda xornada de Deporte Escolar con duelo cento por cento laranxa, ás 12.00 horas. Despois do xantar, ás 16.30, o xuvenil de Autonómica recibirá o Troula FS, en encontro correspondente á terceira xornada.


A Mariña
O combinado mariñán, con nutrida presenza da ED EON Burela FS, comezou onte a súa aventura no autonómico, en Chantada, con baile de resultados. Os infantís impuxéronse a Lugo Sur por 1-6; para os alevíns o tempo regulamentario rematou en táboas (4-4) e aos máis pequenos, os benxamíns, o luminoso escapóuselles polos pelos (6-4).


A Selección de Lugo será o seguinte rival, no pavillón focego Torques de Marzán, o luns 7 de xaneiro (16.00 cadete, 17.00 alevín, 18.00 infantil e 19.00 benxamín).

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores