Noticias
3 de febreiro de 2014
A Copa Galicia e O Parrulo, destino dos laranxas na última semana de descanso ligueiro

O Burela FS Pescados Rubén comeza a última semana de descanso ligueiro con ganas de competición. Volverá saltar á pista mañá para medirse ao Parrulo FS, de Segunda División, nos cuartos da Copa Galicia (A Malata-Ferrol, 20.00 horas).


Para a cita, Juanlu terá a Christian e Iago Míguez como dúbidas, ademais da ausencia de Hugo, intervido de menisco hai un par de semanas. Entrarán na lista de convocados Carlitos, como vén sendo habitual, e o xuvenil Hélder.


O vencedor entre ferroláns e burelaos deberá medirse nas semifinais, a partido único, co Azkar Lugo FS, que se impuxo onte ao Esteo FS (2-5). O Cidade de Narón será un dos protagonistas da outra semifinal, despois de vencer ao Noia FS (4-2); o seu rival decidirase o venres no enfrontamento entre Pazos de Borbén e Santiago Futsal (21.00 horas).


 


Plan de traballo da semana


Luns 3 de febreiro


16.00 horas – Físico Preventivo – Ximnasio Breogán
16.50 horas – Específico de Porteiros – Vista Alegre
17.00 horas – Físico - Vista Alegre


Martes 4 de febreiro


20.00 horas – Copa Galicia (cuartos), O Parrulo FS – A Malata


Mércores 5 de febreiro


9.30 horas – Técnico-táctico – Vista Alegre
18.30 horas  - Físico – Vista Alegre


Xoves 6 de febreiro


9.30 horas – Técnico-táctico – Vista Alegre
15.30 horas – Físico – Ximnasio Breogán
16.00 horas – Específico de Porteiros - Vista Alegre
16.30 horas – Físico – Vista Alegre


Venres 7 de febreiro


9.30 horas – Técnico-táctico – Vista Alegre

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores