Noticias
29 de marzo de 2014
Vitoria solvente en Canarias
O Burela Pescados Rubén gana con solvencia ao Colegio Arenas Gran Canaria (3-7) e suma tres puntos que o manteñen nos postos de Play Off polo título.
Prensa: C.A. Gran Canaria
Durante o primeiro periodo os bureleses lograron sorprender continuamente aos canarios con numerosos contragolpes e mostrando unha seriedade defensiva que evitou calquera acción de perigo amarela. Juanma abriu o marcador no minuto seis (0-1) e as oportunidades de aumentar a renda sucedéronse pero a escasa eficacia laranxa propiciou que o Gran Canaria chegase vivo ao descanso. Na segunda parte o Burela puxo a directa e pronto logrou o 0-3, con goles de Iago Míguez e Burrito, minuto 24. A reacción local foi o xogo de cinco que aínda que en primeiro instancia permitiulles recortar diferenzas (2-3) acabou sendo o camiño directo á derrota. Co 2-3 os pupilos de Juanlu retomaron o pulso con goles de Burrito (2-4) e do meta laranxa Alex (2-5) e liquidaron con autoridade o encontro ante un conxunto local que baixou os brazos. O Burela Pescados Rubén acabou o choque con tranquilidade e cunha contundente vitoria por 3-7.
Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores