Noticias
5 de decembro de 2014
Juanlu: 'Vivirase un ambiente moi bonito'

As cámaras de Teledeporte de TVE presenciarán mañá o duelo galego entre Santiago Futsal e Burela FS Pescados Rubén, a partir das 13.00 horas, en Santa Isabel. “Vivirase un ambiente moi bonito que nos favorecerá aos dous equipos; Santa Isabel é máis acolledor. Fontes do Sar é magnífico pero polas súas dimensións xogar alí sempre resulta máis frío” explicaba o técnico mariñán, Juanlu, agradecendo de antemán o apoio dos numerosos afeccionados que se desprazarán á capital galega para animar os laranxas.


Desde a oitava praza (19 puntos) e logo de cinco triunfos consecutivos, o Burela FS chega ao duelo irmandiño con ganas de sacarse a espiña da derrota da semana pasada en Vista Alegre, co 1-2 a favor do Jaén Paraíso Interior na recta final do encontro. O Santiago Futsal suma un total de 6 partidos sen gañar, sumando só un punto na súa visita a Jumilla na 10ª xornada (2-2). Os composteláns buscan afastarse dos postos de perigo; agora mesmo ocupan a 12ª posición, igualados con Montesinos Jumilla e D-Link Zaragoza.


“Os partidos con Santiago sempre son moi disputados tanto en liga como en Copa Galicia. Talvez eles dispoñan de menos recursos esta tempada pero o noso estado físico, con xogadores importantes que non poden contribuír todo o que necesitariamos, tamén nos condiciona. Creo que o partido se poderá repartir ao 50% para cada un” adiantaba Juanlu Alonso.


Na expedición de Juanlu volverán repetir os mozos Hélder, Ángel e Renato. Entre as dúbidas de última hora estarán Isi e Iago Míguez, ambos por lesións musculares. A participación de Miguel tampouco estará asegurada; o ala madrileño aínda arrastra certas molestias dunha contusión ósea.


Segundo a información facilitada polo Santiago Futsal, Santi Valladares chega a este encontro con dúas baixas: Lucho, que segue co proceso de recuperación da lesión de xeonllo que sufriu a semana pasada, e Lucas Bolo, que comezou a exercitarse co grupo onte e non chegará ao encontro de mañá.


Convocatoria Santiago Futsal: 1.Marcos Vara, 3. Dani M., 5. Iván Rumbo, 6. Borja, 7. Gallego, 10. Marci, 12. Chus, 13. Pablo Tallón, 14. Hugo Sánchez, 18. Kike, 19. Santi, 23. Quintela, 25. Íker


Convocatoria Burela FS Pescados Rubén: 1. Edu, 5. Iago Míguez, 7. Isi, 10. Matamoros, 11.Chano, 13. Álex, 14. Miguel, 17. Carlitos, 23. Antoñito, 27. Renato, 29. Ángel, 30 Hélder

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores