Noticias
22 de outubro de 2015
Fútbol Sala para Tod@s

O CD Burela FS Pescados Rubén exerceu de embaixador do fútbol sala esta semana xunto á Asociación de Axuda ao Enfermo Mental da Mariña, a Fundación Eu Son e a Asociación Camiña. Os xogadores de Primeira División Jorge Bellvert, Eva, Carlitos e Bea Mateos, ademais do fisioterapeuta Dani Tomé, visitaron os adestramentos dos tres colectivos para achegarlles a realidade do deporte laranxa e compartir cos seus usuarios unhas entretidas sesións prácticas movendo o esférico.


Encadrado no proxecto Deporte sen Barreiras, o club mariñán mantén unha nutrida colaboración dende hai tempadas cos tres colectivos participando en xornadas deportivas conxuntas, promovendo a práctica deportiva en igualdade, e realizando visitas aos centros. No seu encontró cos representantes burelistas, os usuarios de Axuda ao Enfermo Mental da Mariña, Eu Son e Camiña tamén recibiron os seus abonos para asistir de forma totalmente gratuíta ás citas do Pescados Rubén en Vista Alegre 2015-16.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores