Noticias
30 de xuño de 2018
Edu renova como talismán baixo paus
Eduardo Saavedra Cebreiro, outro dos grandes bastións do Pescados Rubén Burela FS, formalizou esta semana a súa continuidade para a vindeira tempada. O meta naronés, que comparte as responsabiliades da capitanía con Matamoros, cumprirá unha década defendendo a rede burelista, a sexta campaña nesta segunda etapa.

Co 1 burelista, o club laranxa dá por pechado o apartado de renovacións para 2018-19. “Edu é un deportista da casa e toda unha referencia tanto nas pistas coma no vestiario; poucas persoas coñecen tan ben a nosa estrutura e idiosincrasia” valoraba así o presidente, Manuel Blanco, o seguimento do porteiro no novo proxecto de Juanma Marrube xa moi avanzado, con seis continuidades e cinco incorporacións, polo momento.
Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores