31/07/2009

Rubén García ‘Turero’ da o salto a Prata

Rubén García ‘Turero’ da o salto a Prata

O equipo de Suso Rey terá unha nova incorporación para a tempada 2009/10 procedente da canteira laranxa. Trátase do ata agora xuvenil Rubén García ‘Turero’, á trabadense de 18 anos e cun currículo envexable con dúas Ligas e unha Copa, ademais de ser recentemente campión de España sub-20. O vicepresidente José Saa e Marcelino Luna, tamén directivo do club, presentaron ao xogador nas oficinas do Burela FS.


Rubén, que afirmou estar satisfeito e “orgulloso porque esta é unha boa oportunidade para que a xente da canteira aporte o seu traballo ao equipo”, súmase deste xeito á incorporación de Brais como segundo porteiro. O de Trabada cre tamén que este “será un ano duro en Prata, porque os equipos igualáronse bastante en canto a potencial e non hai un que destaque moito por riba dos mais”. Turero unirase ao grupo o mércores da semana que ven, cando se poña en marcha o Burela FS para tempada 2009/10 da man de Suso Rey. Xunto co trabadense estarán Edu, Brais, Purao, Revilla, Juanma, Minu, Juanpe, Javi Rodríguez e Christian Chao.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.