18/08/2009

Autos Lobelle, rival laranxa no Celso Currás

Autos Lobelle, rival laranxa no Celso Currás

O Autos Lobelle Santiago FS, de Honra, será o rival do CD Burela FS no V Memorial Celso Currás de Trabada, que se disputará entre o 22 e 23 de agosto.


O vindeiro sábado os xogadores de Suso Rey mediranse aos composteláns en semifinais, a partir das 18.30 horas, no pavillón municipal. Azkar Lugo FS e Marfil Santa Coloma FS, ambos os dous pertencentes á máxima categoría nacional, protagonizarán a segunda semifinal, ás 20.30.


Os gañadores enfrontaranse na gran final do domingo, ás 21.00. Nesta xornada a programación do memorial tamén acollerá unha festa acuática infantil (12.00 horas, piscina municipal) e a presentación do equipo local, o Concello de Trabada FS, que se enfrontará ao Jim Sports Melide FS, a partir das 19.00. 


A entrada custará 5 euros por día, coa posibilidade de adquirir un bono para todo o torneo, por 6 euros. Os/As menores de 14 anos terán acceso gratuíto.


Primeira cita


No entanto, o Celso Currás non será a primeira cita da pretempada para o CD Burela FS. O cadro que defenderá a camiseta laranxa en 2009-10 estrearase mañá ante a súa afección no Vista Alegre, nun amigable fronte ao Azkar Lugo B, de Primeira Nacional A; o encontro comezará ás 20.30 horas.


Juampe non poderá participar neste primeiro partido, debido a unha tendinite rotuliana.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.