02/10/2009

Oito monitores/as compoñerán o profesorado da EDM Burela FS

Oito monitores/as compoñerán o profesorado da EDM Burela FS

Oito monitores e monitoras encargaranse de adestrar os máis de 130 alumnos/as que ten matriculados a Escola Deportiva Municipal no presente curso 2009-10. Xunto ao seu director, Alfonso Mera, e ao coordinador de actividades deportivas do club, Suso Rey, onte pola tarde asistiron á presentación oficial do profesorado, en Vista Alegre, todos os/as integrantes, acompañados/as dos directivos José Luis Sáez e Marcelino Luna.


Cos xogadores e xogadoras dos primeiros equipos laranxas Purao, Revilla, Juanma, Cuchi e Dolo tamén participarán nas tarefas adoutrinadoras dos máis pequenos o segundo adestrador do Burela FSF, Marcelo Santoto ‘Neco’, e os monitores Carlos Méndez e Carlos Moreno.


Este profesorado asumirá as ensinanzas de 10 grupos entre prebenxamín e infantil. O Prebenxamín A aprenderá durante este curso con Purao e Cuchi; a xogadora burelista tamén compartirá responsabilidades con Revilla no Prebenxamín B e Carlos Moreno farase cargo do Prebenxamín C, ademais de adestrar os benxamíns A e C. As sesións do Benxamín B organizaranas Juanma e Dolo; Neco dirixirá o Alevín B e Carlos Méndez aleccionará os dous grupos infantís e o Alevín A.


Matrícula. Durante o mes de outubro, a EDM Burela FS aínda admitirá inscricións nalgunhas categorías, ata completar o número máximo de 15 alumnos/as por grupo. En prebenxamín hai 10 prazas libres, en benxamín 3 e en infantil 2.


Todas as persoas interesadas poden recibir máis información nas oficinas do club (avenida Arcadio Pardiñas, número 97, entresollado) ou a través do número 982 58 18 15.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.