23/10/2009

O cadro de Suso Rey saltará á pista do prometedor Illescas na sétima xornada

O cadro de Suso Rey saltará á pista do prometedor Illescas na sétima xornada

O CD Burela FS enfrontarase mañá a un rival moi próximo na táboa; o cadro de Suso Rey viaxará ata Toledo para medirse ao prometedor Illescas FS, na sétima xornada do Grupo Norte de Prata. O pavillón municipal da localidade castelano-manchega acollerá o encontro a partir das 18.00 horas.


Un só punto separa a ambos os conxuntos na clasificación, con vantaxe para os burelistas, que  con 12 puntos ocupan a terceira posición, fronte á cuarta dos illescanos.


O cadro laranxa medirá as súas forzas a un dos recentes ascendidos, que está dando moito que falar na categoría. A pesar do seu tropezo inicial ante La Muela (5-4), o Illescas FS foi quen de encadear catro vitorias consecutivas, fronte ao Lanzarote (5-3) e El Escorial (7-4) na casa e ante o Talavera (1-2) e o Cáceres 2016 (4-9) como visitante. A etiqueta de novel na categoría non debe confundir aos burelistas, posto que o toledano é un conxunto moi compacto cun elenco de calidade; xunto ao ex–internacional Lorente e ao gardameta ex–burelista Manel, destacan os máximos goleadores do equipo, Lolo e Javi Baz. Para esta ocasión, o Burela FS debe aproveitar o golpe sufrido polos castelano-manchegos na xornada pasada, que perderon a imbatibilidade local co Gijón-El Llano (1-2).


Con respecto ás lesións, Suso Rey poderá contar co regreso de Minu; Juanma aínda deberá agardar unha semana máis para reincorporarse á competición. O xuvenil Manu entrará na convocatoria do primeiro equipo por segunda semana consecutiva.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.