24/10/2009

O Burela sitúase como líder logo de vencer ao Illescas por 1-2

O Burela sitúase como líder logo de vencer ao Illescas por 1-2

Un sensacional gol de Revilla propiciou a vitoria do Burela FS ante o Illescas (1-2) polo que os laranxas se deitan como líderes da División de Prata, a expensas do duelo entre o Gijón-El Llano e o Valverde que se disputa mañá ás 12:00 horas.


Do mesmo xeito que outros encontros como visitante, os burelenses ofreceron a súa mellor cara no segundo período xa que o primeiro acto se caracterizou polas imprecisións e a escaseza de oportunidades por ambos os conxuntos. Ao descanso chegouse co marcador inicial e na continuación serían os locais quen golpearon primeiro, Cholo aproveitou un rexeitamento na área para bater de cabeza a meta defendida por Edu. O 1-0 resultou un espellismo xa que o Burela tiña a iniciativa no xogo e estaba xerando ocasións.


O bo xogo dos de Suso Rey empezou a recoller os seus froitos co tanto do empate, Purao apareceu no segundo pau e aproveitou unha boa asistencia de Juanpe. O gol do triunfo burelense foi obra de Revilla que sorprendeu a Manel cun disparo afastado para establecer o 1-2 final.  

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.