14/11/2009

Lucía guía o Burela Pescados Rubén no seu sexto triunfo consecutivo

Lucía guía o Burela Pescados Rubén no seu sexto triunfo consecutivo

Lucía conduce o Burela FSF Pescados Rubén á sexta vitoria consecutiva tras superar ao Atlético de Madrid Navalcarnero por 6-4. Ante un Vista Alegre que volveu rexistrar unha grande entrada e fronte a un dos equipos favoritos ao título ligueiro, o equipo dirixido por Javier Pardeiro demostrou que a súa posición na zona nobre da División de Honra non é froito da casualidade.


O papel estelar deste capítulo foi interpretado por Lucía Nespereira que conseguiu bater en cinco ocasións a meta colchoneira. O 1-0 chegou no minuto 6, tras un disparo desde a frontal de Lucía, aínda que rapidamente chegou a contestación atlética por mediación de Patri que marcou un gran gol. A resposta laranxa tampouco se fixo esperar e Lucía logrou o 2-1 co que se chegou ao descanso.


Na continuación, as visitantes saltaron á pista máis centradas que as burelás pero un roubo de balón en media pista propiciou o 3-1 firmado, outra vez, por Lucía. A presión laranxa en media pista alporizou a un Atlético que nun dicir amén se viu cun 5-1 desfavorable. A súa resposta foi actuar con porteira-xogadora e obtivo a súa recompensa cun gol de Anita (5-2) que atopou resposta nunha grande acción individual de Dolo que establecía o 6-2. O Atlético insistiu na súa aposta e, aínda que acurtou a diferenza, os tres puntos quedaron en Vista Alegre. 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.