20/11/2009

O Avilés chega a Vista Alegre como unha das sorpresas do Grupo Norte

O Avilés chega a Vista Alegre como unha das sorpresas do Grupo Norte

Na undécima xornada de Prata, chega a Vista Alegre o Avilés Oquendo como unha das sorpresas do Grupo Norte 2009-10. O CD Burela FS recibirá os asturianos, empatados a 16 puntos e ocupando a sétima e sexta praza respectivamente.


A partir das 18.30 horas, mañá a afección laranxa poderá deleitarse cun encontro moi rifado. Ambos os dous conxuntos precisan puntuar para non distanciarse en exceso dos primeiros postos (Talavera -21-, Arenas Gáldar -19- e Gijón-El Llano -19-) e ningún amosará condescendencia.


O cadro de Suso Rey terá que facer valer a súa experiencia na categoría, ademais do factor cancha, fronte a un rival novel que destacou dende o comezo de tempada, coñecendo só a vitoria nas cinco primeiras xornadas. Non obstante, os triunfos ante OPDE Ribera Navarra, Extremadura Badajoz, Valverde, FC Andorra e La Muela-Aragón deron paso a resultados menos doces; co Lanzarote Tías Yaiza, na sexta xornada, o Avilés coñeceu o sabor da derrota en Prata e dende aquela só foi quen de puntuar, como local, ante o Camping-El Escorial.


Nesta ausencia de vitorias, os asturianos arribarán a Burela con boa parte do cadro recuperado, tras verse obrigados a aprazar o encontro da xornada pasada, ante o Illescas, pola baixa médica de varios xogadores, afectados de gripe A e gripe común. En canto ao vestiario laranxa, a escordadura de nocello manterá a Christian apartado das pistas unha semana máis e o xuvenil Manuel volverá entrar na convocatoria de Suso Rey.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.