O Burela FS Feminino estreará peña ante o Ponte Ourense
Co duelo galego Burela FSF Pescados Rubén-Ponte Ourense, Vista Alegre acollerá este sábado, 28 de novembro, outra cita: a estrea de Soles Laranxas, a primeira peña de seareiros/as do fútbol sala feminino na Mariña.
A idea de formar esta nova peña, constituída oficialmente no día de onte, xurdiu dun grupo de afeccionadas ao fútbol sala e seguidoras do Burela FSF dende o seu nacemento, en Prata, a tempada pasada.
Todas as persoas interesadas en pertencer a esta peña poderán facelo enviando os seus datos (nome, enderezo e número de teléfono) ao correo electrónico soleslaranxas@gmail.com.
A creación de Soles Laranxas vén reafirmar, unha vez máis, a devoción dos mariñáns por este deporte e polo CD Burela FS, entidade que dende a súa fundación, en 2001, recibe os ánimos de centos de afeccionados/as, ademais de contar, tempada tras tempada, co apoio incondicional das peñas A Pataca Naranxa, SCDR Palestina e Os Maketos.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Un Pescados Rubén Burela FS con altibaixos sofre en Mengíbar pero logra puntuar e afianzar ese terceiro posto na clasificación.
Nun encontro moi intenso e loitado, as mariñás non mostraron a súa mellor versión cunha primeira parte que lles custou o encontro.
Compricado encontro para o Burela que remata remontando un partido cheo de altibaixos para o conxunto mariñán.