27/11/2009

O Burela FS buscará o podio en León, animado pola súa afección

O Burela FS buscará o podio en León, animado pola súa afección

Situado na quinta posición, o equipo burelao viaxa na duodécima xornada de Prata a León na busca dunha maior aproximación ao podio, co apoio da numerosa afección que representa a peña A Pataca Naranxa. O Palacio dos Deportes da cidade castelá acollerá o partido entre o OE Ram León e o CD Burela FS o domingo, 29, ás 12.00 horas.


O cadro de Suso Rey terá por diante, unha semana máis, unha cita para nota; os xogadores laranxas enfrontaranse a un rival que os avantaxa unha posición na clasificación, aínda que cos mesmos puntos, 19, que tamén posúe o Arenas Gáldar, na terceira praza. O Burela FS coñece de primeira a man a dureza da pista leonesa; se na tempada pasada os laranxas só puideron conseguir un empate (2-2) ante un local que navegaba polos postos de descenso, este ano tamén son conscientes de que terán que pelexar, e moito, polos tres puntos nun feudo no que, ata o momento, só o Azulejos Ramos Talavera puido saír vitorioso por un axustado 3-4 e contra un equipo que, con 47 tantos, é o segundo máximo goleador do Grupo Norte.


O viveirense Christian tampouco poderá xogar este encontro pola súa escordudura de xeonllo; despois de tres semanas apartado da competición, o xogador espera o resultado das últimas probas, que ditaminarán sobre unha posible intervención cirúrxica. Ante esta baixa e como vén sendo costume, será o xuvenil Manuel Jiménez quen entre na convocatoria de Suso Rey.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.