15/02/2010

Brais, Turero e Manu, campións de España coa celeste sub-20

Brais, Turero e Manu, campións de España coa celeste sub-20

Os xogadores do Burela FS Brais, Turero e Manuel puideron adestrar hoxe de laranxa sendo campións de España. Os tres burelistas conseguiron o título do Campionato Nacional de Seleccións Territoriais Sub-20 con Galicia onte en Santiago de Compostela, tras vencer ao combinado de Melilla por 4-3.


Os galegos plantáronse na final despois de impoñerse por un nutrido 8-4 a Castela e León nas semifinais. Pola súa banda, os melillenses conseguiron o pase definitivo grazas aos penaltis, tras o empate ante Cataluña (2-2).


Con desvantaxe de 0-1 ao descanso, os pupilos de Santiago Valladares reactivaron as súas armas no segundo período. Os goles de Diego e Iago Míguez achegáronlle o título a Galicia, adiantándose 2-1. No empate, as cinco faltas no cómputo celeste motivaron os irmandiños para a saída do porteiro-xogador. A decisión axiña tivo recompensa coas finalizacións novamente de Diego e Iago; un acerto que lles deu aos galegos a renda suficiente para que Melilla non os alcanzara no marcador.



Ficha técnica


GALICIA: Brais, Turero, Héctor, David e Antonio; no cinco inicial; tamén xogaron Álvaro, Iago, Manu, Diego, Jandri e Santi.


MELILLA: Yiyo, Hamza, Yosef, Faisa e Bidal, no cinco inicial; tamén xogaron Sufián, Zoher, Tabernero, Sidi e Alex.


GOLES: 0-1 Sufián (minuto 20), 1-1 Diego (minuto 23), 2-1 Iago (minuto 29), 2-2 Josef (minuto 31), 3-2 Iago (minuto 38), 4-2 Diego (minuto 38), 4-3 Hamza (minuto 39).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.