Goleada (5-0) ante o Andorra e liderado do Grupo Norte para o Burela FS
O equipo laranxa venceu con suficiencia a un complicado Andorra por 5-0 en partido aprazado correspondente á 16ª xornada de Liga, e converteuse de paso en líder do Grupo Norte de Prata. Vista Alegre vestiuse de entroido para recibir os de Andorra e a bancada viviu unha noite máxica, con premios para os mellores disfraces e unha goleada que invita a soñar. Os visitantes opuxeron resistencia ata ben avanzado o segundo tempo, con varias ocasións que meteron o medo no corpo á parroquia laranxa.
Os de Suso Rey sufriron para atopar a portería de Marimón, pero colléronlle o gusto nada máis anotar o primeiro tanto. Dani Martín foi o encargado de abrir a lata no minuto 33. E só un minuto máis tarde volvía marcar (2-0). O gol da noite foi sen dúbida o terceiro, froito dunha combinación vertixinosa que acabou en gol de Javi Rodríguez (3-0. Minuto 37). Juanma e Revilla (este último de dobre penalti) sentenciaron o choque cunha goleada que deixou un excelente sabor de boca nunha noite de fútbol sala atípica e festiva.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas