FS A Mariña estrea o Campionato FEAFES Galicia mañá ante Porta Nova
O equipo da Asociación de Axuda ao Enfermo Mental da Mariña, FS A Mariña, comeza mañá a súa andadura no IV Campionato de Fútbol Sala de FEAFES Galicia ‘Todos polo Fútbol’; será ás 16.30 horas, no pavillón Monte Castelo de Burela, ante o Porta Nova, de Ferrol.
Media hora antes, as intalacións deportivas acollerán a presentación do campionato, cuxa fase final se desenvolverá en Burela a finais de xuño, coa colaboración do CD Burela FS. Xunto a Iris Castro, presidenta do colectivo mariñán, o acto contará coa presenza de autoridades locais, membros do club laranxa e representantes do equipo ferrolán.
‘Todos polo Fútbol’ 2010 terá unha primeira fase ligueira, na que participarán 10 asociacións galegas, ademais da mariñá: Doa, Porta Nova, Lar, Lenda, APEM Carballo, APEM Coruña, APEM Cee, APEM Cambre, Morea Ourense e Morea O Barco. Tras os enfrontamentos como locais e visitantes, os conxuntos veranse as caras en Burela na gran final.
O CD Burela FS poñerá á disposición do equipo anfitrión toda a súa infraestrutura para acoller a final ‘Todos polo Fútbol’, mantendo a súa habitual liña de colaboración coa Asociación de Axuda ao Enfermo Mental da Mariña.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas