20/04/2010

As escolas de Barreiros e O Valadouro apostan polo fútbol sala a través do Burela FS

As escolas de Barreiros e O Valadouro apostan polo fútbol sala a través do Burela FS

Dentro do seu programa de promoción e impulso do fútbol sala na comarca da Mariña, o CD Burela FS formalizou a semana pasada dous convenios de colaboración coas escolas municipais de Barreiros e O Valadouro. O directivo do club Marcelino Luna e o director da EDM Burela FS, Alfonso Mera, desprazáronse a San Cosme para asinar o acordo co alcalde barreirense, Alfonso Fuente Parga, e o coordinador deportivo municipal, Rubén Caserío. En Ferreira, o compromiso de colaboración foi rubricado polo concelleiro de Cultura e Deportes, José Manuel Lamela Piñeiro.


Con Barreiros e O Valadouro xa son catro as entidades mariñás vinculadas ao CD Burela FS no seu proxecto de consolidación da actividade física e potenciación do deporte de base na bisbarra. Dende o pasado mes de marzo, a Asociación Cultural Deportiva Xove e a Escola Municipal de Cervo xa poden gozar de beneficios como xornadas de convivencia e amigables cos membros do CD Burela FS e pases especiais para presenciar os encontros laranxas, ademais de dispoñer de tarifas reducidas nas actividades programadas dende o club, como o Campus Mixto Internacional.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.