27/04/2010

Eivissa, máximo candidato á primeira rolda de ascenso fronte ao Burela FS

Eivissa, máximo candidato á primeira rolda de ascenso fronte ao Burela FS

A falta dunha soa xornada para que conclúa a fase regular na División de Prata, todo fai indicar que o Gasifred Eivissa será o primeiro escollo do Burela FS no seu quinto intento por alcanzar a máxima categoría. Como segundo clasificado do Grupo Norte, ao equipo mariñán correspóndelle cruzarse no arranque do play off co cuarto do Grupo Sur, e o conxunto eivisenco parte con vantaxe sobre os seus perseguidores e é o favorito nas apostas para ese posto.


Antequera (Málaga), Jumilla Montesinos (Murcia) e Melilla tamén encaran a xornada definitiva con opcións de alcanzar a zona de promoción, aínda que as dos dous últimos son remotas. Coma case todos os especialistas na materia, o preparador do Burela FS inclínase polo Eivissa. “Vexo moi difícil que o Bujalance poida sacar algo de alí”, indica Suso Rey. Pero o seu desexo non é ese. “Calquera dos dous [Eivissa e Antequera] son fortes na súa cancha, aínda que preferiría ao Antequera. A pesar de que o seu xogo é anárquico e non nos beneficia, paréceme máis accesible”, explica.


O único seguro é que o Burela FS disputará a decisiva promoción sen mellorar o segundo do Grupo Sur. A posibilidade de acabar campión de grupo ou superar o coeficiente do Puertollano volveuse imposible co tropezo do sábado ante o Delta Badajoz (4-4). Suso Rey admite que o seu equipo “non estivo ben” e atribúese parte da responsabilidade. “Quizá os presionei demasiado ou non souben elixir a mellor fórmula motivadora; non fomos verticais e custounos moitísimo mover o balón”, engadiu.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.