29/04/2010

Sorteo laranxa dun Toyota Yaris

Sorteo laranxa dun Toyota Yaris

Como celebración da súa quinta tentativa por acadar a Honra, e con moi boas sensacións, o Burela FS, en colaboración con Eje Atlántico 3000, sorteará un Toyota Yaris entre a súa afección, no mes de maio, no primeiro partido de play off en Vista Alegre.


En plena crise económica mundial, o club laranxa aperta o cinto para agraciar a un dos seus seareiros/as con, nada máis e nada menos, que un coche a estrear, totalmente equipado. Por tan só 10 euros a papeleta, calquera pode resultar premiado/a con este Toyota Yaris, preparado para saír á rúa, cos impostos de matriculación e rodaxe incluídos, ademais dun ano de seguro contratado.


O CD Burela FS porá á venda un total de 2.000 rifas. Todas as persoas interesadas poderán adquirilas nas oficinas do club (avenida Arcadio Pardiñas, número 97, entresollado); nos establecementos burelaos A Parrillada de Jandro, Vista Alegre e O Trisquel; no pavillón Vista Alegre, durante os partidos do Burela FS e Burela FSF Pescados Rubén; e en Living Sport, en Foz.


A data exacta do sorteo, realizado ante notario durante o descanso do partido, dependerá do calendario da fase de ascenso, que se coñecerá ao remate da liga regular. Ata ese día, o coche estará exposto nas inmediacións do pavillón, coincidindo cos encontros dos conxuntos masculino e feminino como locais.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.