30/04/2010

As laranxas voltan á bomboneira fronte ao Zaragoza

As laranxas voltan á bomboneira fronte ao Zaragoza

Despois dun mes, entre descansos ligueiros e a participación na Copa de España, o Burela FSF Pescados Rubén volta mañá á bomboneira ante o Natudelia.com Zaragoza, un rival que pelexa por asentarse no ecuador clasificatorio. A vixésimo sétima xornada laranxa en Honra comezará ás 18.30 horas.


Na sétima posición e con 42 puntos, as pupilas de Javier Pardeiro terán unha boa ocasión para eliminar a distancia co sexto, o Atlético de Madrid Navalcarnero (45), ao que lle toca descansar, e manter a vantaxe sobre o oitavo, Valladolid FSF (41), que lle pisa os talóns.


Neste enfrontamento, as mariñás tentarán desquitarse da derrota do primeiro encontro, que cun 5-2 rachou coa etapa de gloria do equipo revelación de Honra, con seis vitorias consecutivas para o Burela FSF. Aínda que os resultados non o están acompañando moito na segunda volta, con tan só 10 puntos dos 27 en xogo, o Natudelia chegará a Vista Alegre nunha modesta undécima posición, especialmente motivado tras recuperar o triunfo, ante o Preconte Telde (7-3).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.