12/05/2010

Claudia, Irene, Jozi e Souza visitaron o colexio focego Martínez Otero

Claudia, Irene, Jozi e Souza visitaron o colexio focego Martínez Otero

As integrantes do Burela FSF Pescados Rubén Claudia, Irene, Jozi e Souza visitaron o luns pola tarde o equipo cadete feminino do colexio Martínez Otero, en Foz.


Acompañadas polo segundo adestrador burelista, Marcelo Santoro ‘Neco’, as representantes laranxas compartiron as súas experiencias e unha sesión técnica con 14 alumnas focegas.


As cadetes do Martínez Otero mostraron especial interese pola traxectoria deportiva de Jozi e Souza e polas diferenzas futbolísticas entre Brasil e España. A cita finalizou coa posta en práctica dalgunhas xogadas.


Burela FSF-Castelldefels. As pupilas de Javier Pardeiro contribuirán a unha fin de semana repleta de fútbol sala en Vista Alegre, xunto ao play off do equipo masculino. O encontro correspondente a vixésimo novena xornada de Honra, ante o Castelldefels FSF, disputarase o domingo 16, a partir das 12.00 horas. A entrada será gratuíta.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.