28/05/2010

O Burela FSF recibe o campión de España nunha xornada solidaria a favor de Camiña

O Burela FSF recibe o campión de España nunha xornada solidaria a favor de Camiña

O Burela FSF Pescados Rubén recibe esta fin de semana en Vista Alegre o Móstoles FSF, vixente campión da Copa de  España e terceiro clasificado de Honra, nunha xornada solidaria a favor de Camiña. O club laranxa destinará a recadación íntegra do encontro de mañá (18.30 horas) á devandita asociación de discapacitados burelá, coa que mantén unha estreita colaboración dende hai anos.


Tarefa complicadísima a que se lles presenta ás pupilas de Javier Pardeiro na trixésimo primeira xornada ante un rival dos máis contundentes da categoría, responsable da máxima goleada encaixada polo Burela FSF (9-0) na presente tempada. Con catro citas por diante para o remate ligueiro, as mostoleñas (65 puntos) pelexarán pola vitoria para reducir a distancia cos postos máis altos, Femesala Elche (71) e Cajasur Córdoba (75). Parece que as madrileñas conseguiron collerlles a medida na ida ás laranxas, que intentarán pulir os erros que as condenaron a este avultado resultado en contra para non ceder a súa actual sétima praza (47). No que vai de segunda volta o Móstoles tan só renunciou a 9 puntos, 6 na casa (Femesala 3-5 e Gironella 3-4) e 3 como visitante (Valladolid 2-1).


O Valladolid, que ostenta a sexta praza empatado a puntos coas burelás, visitará o pechacancelas, Pinto Cellosa Torrejón. Pisándolle os talóns ao cadro laranxa, o Atlético de Madrid Navalcarnero, oitavo con 46 puntos, contará con dobre cita esta fin de semana: o sábado recibirá o Ponte Ourense (noveno, 40),  na vixésimo novena xornada, aprazada pola participación das madrileñas na IV Futsal Nations Cup en Portugal; e o domingo enfrontarase, tamén como local, ao Diamante La Rioja (quinto, 52).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.