Actualidade
Dolo volverá vestir de laranxa en 2010-11
A ala-pivote Dolores Sánchez, Dolo, volverá vestir de laranxa en 2010-11, despois de prolongar o seu contrato co Burela FSF Pescados Rubén por unha tempada máis.
Acompañada polo directivo da entidade burelista José Luis Sáez, a xogadora coruñesa recoñeceu que “os logros acadados esta tempada dan ganas de seguir traballando por cumprir cun proxecto que irradia ilusión”. “Rematamos a liga coa sensación de superar a meta marcada, así que en 2010-11 teremos que pedir un pouco máis, sendo conscientes, loxicamente, das nosas posibilidades” dixo Dolo.
José Luis Sáez destacou a “profesionalidade de Dolo e o seu compromiso coas ensinanzas da escola deportiva, coa que leva colaborando dende a súa chegada ao club”.
Esta será a terceira tempada de Dolo na entidade laranxa, que arribou en Burela en 2008-09, procedente do Ponte Ourense, co que compartiu a categoría de Honra en 2009-10.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas