Actualidade
O ala Adriá Esteller recala no Burela FS
O ala catalán Adriá Esteller Cortina, de 25 anos, recala no Burela FS para lucir a elástica laranxa en 2010-11, procedente do Laguna Playas de Salou, que militou a tempada pasada no Grupo Sur de Prata.
Formado na canteira do FC Barcelona, co que ascendeu á División de Honra en 2005-06 despois de tres play-offs, o ala zurdo conta cunha nutrida experiencia en Prata, ademais de acadar o título de subcampión europeo coa Selección Española Sub-21, no Torneo Internacional de San Petersburgo en 2006.
Despois das súas dúas primeiras tempadas en Prata, no Albacete FS (2006-07) e GCE Arcebansa Zamora (2007-08), Adriá internouse no fútbol sala italiano a través do CUS Chieti (2008-09), da Serie A2. No último exercicio, o xogador catalán, irmán do ex-burelista Gerard Esteller (Marfil Santa Coloma), deixou o GS Giovinazzo (Serie A2) no mercado de inverno para disputar a segunda parte da liga española no Playas de Salou.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Un Pescados Rubén Burela FS con altibaixos sofre en Mengíbar pero logra puntuar e afianzar ese terceiro posto na clasificación.
Nun encontro moi intenso e loitado, as mariñás non mostraron a súa mellor versión cunha primeira parte que lles custou o encontro.
Compricado encontro para o Burela que remata remontando un partido cheo de altibaixos para o conxunto mariñán.