09/08/2010

A afección laranxa coñece o proxecto de Prata 2010-11

A afección laranxa coñece o proxecto de Prata 2010-11

A afección burelista volveu reunirse na bomboneira o venres pasado, na gala de presentación do proxecto laranxa de Prata 2010-11, que comezará a liga o vindeiro 4 de setembro coas incorporacións de Adriá Esteller, Jean Cividini, Víctor Cachón, Adri Gaona e David Richarte ‘Paleta’.


Unha proxección multimedia abriu o acto, dando a coñecer o renovado cadro do Burela FS; na compaña de ‘cheer leaders’, os membros laranxas foron saíndo do vestiario para presentar os seus respectos á ateigada bancada laranxa.


Directiva, xogadores e corpo técnico agradeceron o apoio do público. Unha tempada máis, o presidente da entidade, José Ramón González Casas, reservou as súas palabras para animar o equipo e pedirlle o máximo esforzo na oitava tempada en prata. Juanma, Edu e Purao coincidiron co míster, Suso Rey, en cualificar a axuda da marea laranxa como vital para conseguir os obxectivos marcados e pelexar polo máis alto. Algunhas das caras novas, como Esteller, Adri Gaona ou Víctor Cachón, tamén quixeron transmitirlle á afección a súa emoción por formar parte desta nova etapa burelista. O benxamín do equipo, Manuel Jiménez, clausurou o acto prometendo esforzo e dedicación.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.