16/08/2010

Estrea e vitoria laranxa ante o Mera FS (3-1)

Estrea e vitoria laranxa ante o Mera FS (3-1)

A afección laranxa puido presenciar a presentación do Burela FS 2010-11, o sábado pasado, con vitoria por 3-1 ante o Mera FS, de Primeira Nacional A.


O comezo da pretempada e a falta de rodaxe sobre a pista reflectíronse no primeiro amigable dos de Suso Rey, que a pesar de despregar a súa  superioridade, tamén amosaron certos desaxustes defensivos na zona alta que lles deron máis dun susto.


Dende o ecuador da primeira parte, co 1-0 de Minu, o Burela FS non deixou fuxir a vantaxe no marcador. Na antesala do descanso, unha das caras novas, Víctor Cachón, materializaba un dobre penalti que se converteu no 2-0. O 2-1 chegou pasado o minuto 28 dunha falta indirecta. A tres minutos para o asubío final, volveu aparecer Víctor Cachón para anotar o definitivo 3-1.


O Burela FS puido facer fronte á cita a pesar da escaseza de referencias ofensivas; xunto á ausencia de Juanma, por unha contractura isquiotibial, tampouco puideron debutar Esteller, que Suso Rey preferiu reservar ante unha escordura leve durante a semana, nin Jean, por motivos persoais.


Marfil. A próxima cita dos laranxas será mañá, na Semana Eypar de Melide. O Burela FS medirase ao Marfil Santa Coloma, de Honra, a partir das 20.00 horas, no pavillón municipal.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.