Marfil e Superti, rivais laranxas no triangular benéfico da Pontenova
Marfil Santa Coloma, de Honra, e CD Rececende Superti-A Pontenova FS, de Primeira Nacional A, serán os rivais do Burela FS mañá no triangular benéfico que celebrará o décimo aniversario do club pontenovés, a favor da ONG Ciruxiáns do Mundo.
O pavillón municipal acollerá a cita a partir das 20.30 horas, co encontro entre os barceloneses e os anfitrións como primeiro prato. Ás 21.15 saltarán á pista os laranxas para enfrontarse por terceira vez no que vai de pretempada co Marfil. Como broche final, o duelo entre o Superti e o Burela FS será ás 22.00 horas.
Durante os amigables, o club venderá rifas para o sorteo de camisetas dos equipos particantes. A recadación será destinada á antedita organización non gobernamental.
Como antesala, os nenos/as de entre 7 e 14 anos terán a oportunidade de compartir o día coas ensinanzas e experiencias dos membros do Marfil Santa Coloma nun campus gratuíto coordinado dende o Superti-A Pontenova.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Un Pescados Rubén Burela FS con altibaixos sofre en Mengíbar pero logra puntuar e afianzar ese terceiro posto na clasificación.
Nun encontro moi intenso e loitado, as mariñás non mostraron a súa mellor versión cunha primeira parte que lles custou o encontro.
Compricado encontro para o Burela que remata remontando un partido cheo de altibaixos para o conxunto mariñán.