Valdetires, rival das burelás nas semifinais da Copa
O Burela FSF Pescados Rubén medirase ao Valdetires Ferrol nas semifinais da XX Copa Galicia, que se disputará en Celanova entre o 11 e o 12 de setembro.
As laranxas pelexarán por unha praza para a final o sábado 11, ás 19.30 horas, no pavillón municipal de Celanova. Este será o segundo cruzamento das mariñás co Valdetires posto que xa coincidiron na fase de grupos, con resultado favorable para o Burela FSF (4-2).
O outro emparellamento protagonizarano Ponte Ourense e Cidade das Burgas, que serán os encargados de abrir a fase final ás 18.00 horas. Os gañadores de ambos os enfrontamentos veranse as caras na loita polo título o domingo 12, ás 11.30 horas.
O Burela FSF acudirá á cita como actual campión da Copa Galicia, acadada o 13 de setembro en 2009 ante o Cidade das Burgas (3-4). Entre os favoritos para facerse coa vixésima edición destaca o Ponte Ourense tras a súa reestruturación para 2010-11.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.
Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.
Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.