10/09/2010

Os carnés 2010-11 estarán dispoñibles a partir do luns 13

Os carnés 2010-11 estarán dispoñibles a partir do luns 13

Os/as socios/as do CD Burela FS poden retirar os seus carnés 2010-11 nas oficinas do club (avenida Arcadio Pardiñas, número 97, entresollado) a partir do luns, 13 de setembro.


O próximo partido en Vista Alegre do equipo masculino, dirixido por Suso Rey, será o 18 de setembro ante o Fuconsa Jaén FS. Baixo as ordes de Javier Pardeiro, o Burela FSF Pescados Rubén comezará a súa segunda tempada na élite o día 18, como visitante, na pista do FSF Móstoles; o día 25 xogará para a bancada laranxa, en derbi autonómico, ante o Ponte Ourense.


A entidade laranxa recorda que, para recoller as devanditas acreditacións (válidas ata decembro), se deberá presentar o xustificante bancario da primeira cota, no caso de optar pola domiciliación como forma de pagamento. Con este carné, o Burela FS e miapuesta.com obsequian os socios/as laranxas cun bono de 50 euros para participar nos xogos de www.miapuesta.com/clubes.


A tempada 2010-11 incorpora vantaxes en abonos e prezos para adaptarse ás necesidades dos socios/as burelistas. Dentro das tarifas especiais, o club laranxa crea o Abono 25 (50 euros), destinado a persoas entre os 18 e os 25 anos, e suprime o antigo Abono Universitario. Para os máis novos, mantense o Abono 17 (14-17 anos) por tan só 20 euros para toda a tempada. Tamén se conserva, sen modificacións, o Abono de Xubilado (60 euros). No que respecta ás tarifas convencionais, de idade adulta, o CD Burela FS mantén o Abono Simple (75 euros) e substitúe o antigo Abono Familiar polo Abono Dúo (125 euros), que ofrece a posibilidade de acceder ao pack desconto de 2 carnés, sen existir vínculos familiares entre os socios/as.


 


Non socios/as


Os prezos das entradas para os non socios serán de 10 (adulto/a) e 3 (xuvenil, 14-17 anos) euros para presenciar os encontros de liga do Burela FS e 5 euros (tan só aldultos/as) para o Burela FSF Pescados Rubén.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.