11/09/2010

As laranxas disputarán a final da Copa tras a vitoria ante o Valdetires (9-4)

As laranxas disputarán a final da Copa tras a vitoria ante o Valdetires (9-4)

A Copa Galicia volverá tinguirse de laranxa no gran día. A vitoria en semifinais ante o Valdetires Ferrol (9-4) outórgalle ao Burela FSF Pescados Rubén unha praza na gran final fronte ao Ponte Ourense, que venceu ao Cidade das Burgas (4-3). O municipal de Celanova acollerá a cita mañá a partir das 11.30 horas.


As pupilas de Javier Pardeiro tardaron en atopar as súas posicións, co lastre da desvantaxe no electrónico dende o primeiro minuto e pouco axudadas por unha arbitraxe un tanto polémica. A pesar da incomodidade laranxa inicial, as mariñás conseguiron o empate 3-3 antes do descanso.


No segundo período, puido verse un partido completamente diferente. A frescura e a intelixencia reinaron no Burela FSF, a pesar do seu vestiario reducido. As laranxas non deron tregua; dende o 4-3 de Dolo (minuto 23) o balón en profundidade foi a mellor arma para as da Mariña.


 


Ficha técnica


Valdetires: Sarai, Lucía, Erika, María e Sheila, no quinteto inicial; tamén xogaron Tere, Diana, Leti, Paula e Carol.


Burela FSF Pescados Rubén: Jozi, Dolo, Lucía, Ro e Lidia, no quinteto inicial; tamén xogaron Lara e Claudia.


Goles: 0-1, minuto 1, Lucía; 1-1, minuto 11, Ro; 1-2, minuto 13, Carol; 2-2, minuto 15, Claudia; 2-3, minuto 18, Erika; 3-3, minuto 18, Lucía (d.p.); 4-3, minuto 23, Dolo; 5-3, minuto 26, Ro; 6-3, minuto 28, Lidia; 7-3, minuto 28, Claudia; 8-3, minuto 35, Lara; 9-3, minuto 38, Ro; 9-4, minuto 38,Erika.


Tarxetas amarelas: Sheila (minuto 22) e María (27), polo Valdetires; Dolo (13), Ro (17) e Lucía (22), polo Burela FSF.


Tarxetas vermellas: Javier Otero (minuto 14), delegado, e Javier Pardeiro (minuto 15), adestrador, polo Burela FSF.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.