O Burela FS afronta a segunda cita lonxe da bomboneira en Andorra
O Burela FS afrontará este sábado a súa segunda cita lonxe da bomboneira, na cuarta xornada de Prata, en terras pirenaicas. Para o BP Andorra, vello coñecido laranxa, esta será a estrea ante a súa afección, despois de dous encontros como visitante e da xornada de descanso. O partido dará comezo ás 18.30 horas.
O cadro de Suso Rey chega a Andorra navegando polo ecuador da táboa, con 6 puntos no seu poder. Fronte aos mariñáns defenderá a súa cancha un conxunto que mantén o bloque da tempada pasada con Paulinho, Cabinho, Carlinhos, Moisés, Marimón..., ademais da incorporación de Aramburu, pichichi do Gijón-El Llano en 2009-10 con 29 goles. Á fronte deste cadro atópase Jandro Álvarez, ex-adestrador do Eivissa, que aposta pola defensa intensa e a liberdade de movemento no ataque.
Ata o momento o BP Andorra aínda non coñece a vitoria. Os seus encontros anteriores resolvéronse cun empate, ante o Puertollano (4-4), e unha derrota, fronte ao Ribera Navarra (6-4).
Víctor Cachón será, de novo, a ausencia da escuadra laranxa; se todo discorre segundo o previsto, o ala-pivote estará afastado das pistas en torno a tres semanas por unha rotura parcial de ligamento lateral interno.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas