03/12/2010

O Burela FS volve a Vista Alegre ante o Albacete FS

O Burela FS volve a Vista Alegre ante o Albacete FS

Despois dun mes, o Burela FS poderá vestir a camiseta de equipo local este sábado; será na décimo sexta xornada de Prata, ante o Albacete FS (18.30 horas).


Tras o 4-4 de Navarra e o 1-1 de Barcelona, os rapaces de Suso Rey buscarán dar un paso máis para saír da monotonía do empate e conseguir os tres puntos ante un rival a priori accesible, que ocupa a décimo cuarta praza (14 puntos). Dos seis encontros a domicilio disputados polos manchegos ata o momento, só conseguiron tres puntos (Melilla 2-2, Jaén 3-3 e Lanzarote 3-3), sen coñecer a vitoria.


A única dúbida no vestiario mariñán será de novo Christian, cunha contractura de abductor na perna esquerda.


A última vez que se cruzaron as cores albaceteñas e burelás foi no play off de ascenso a Honra en 2004-05, que se resolveu a favor dos castelano-manchegos no último suspiro, cun equipo intratable feito a golpe de talonario.


 


Axenda apertada


O encontro ante os albaceteños será a primeira cita da atarefada axenda semanal que lles espera aos laranxas. O luns 6 disputarán os cuartos de final da Copa Galicia en Ribeira de Piquín (18.00 horas), de Primeira Nacional B. O mércores 8 tocaralle a quenda á Copa do Rei, na primeira eliminatoria, ante o Mera FS (17.00 horas), de Primeira A. Antes de volver á normalidade de adestramentos, o sábado 11 retomarán a competición de Prata na pista do UPV Maristas Valencia (18.30 horas).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.