15/12/2010

O Calendario Laranxa 2011 estará dispoñible desde o sábado 18

O Calendario Laranxa 2011 estará dispoñible desde o sábado 18

Un ano máis, e xa van cinco, o ‘Calendario Laranxa’ volverá á rúa cos primeiros equipos, masculino e feminino, e as categorías inferiores exercendo como verdadeiros profesionais top-model. Coincidindo co último encontro da División de Prata en 2010 (Burela FS-Colegios Arenas Gáldar), todas as persoas interesadas poderán adquirilo este sábado, día 18, no pavillón Vista Alegre, ao prezo simbólico de 2 euros.


O ‘Calendario Laranxa 2011’, que inclúe a axenda ligueira dos seus primeiros equipos, tanto do feminino en Honra coma do masculino en Prata, foi presentado esta tarde na sede do club polos capitáns burelistas Juanma e Claudia, na compaña do directivo José Luis Sáez.


A xoiería burelá Kessarys dá a benvida do ano cos co-capitáns Purao e Ro. Os meses e a tempada transcorren cos xogadores e xogadoras no Palacio de Cristal, o Concello de Burela, Alain Afflelou Óptico, a Raxería A Dorna, a Cervexería O Trisquel, Interfilm, Pescados Rubén, Librería Cadernos, Living Sport e a Confeitería Anduriña. Lucía e Adriá Esteller despídense dende Autos Morán con rumbo a novos éxitos para a gran familia laranxa.


A partir do luns 20, o almanaque, con deseño e fotografía de Akersia SL e impresión de Gráficas Arfe, tamén estará dispoñible nas oficinas do club (avenida Arcadio Pardiñas, número 97) e nas librerías burelás Cadernos, Auma, Atril e Bluster, ademais das empresas colaboradoras Kessarys, Anduriña, Alain Afflelou, O Trisquel, A Dorna, Palacio de Cristal, Interfilm e Living Sport.


O CD Burela FS agradece toda a axuda prestada por estes negocios na realización e distribución do seu calendario.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.