27/12/2010

O Burela FS atoparase co Azkar nas semifinais da Copa Galicia (Lalín, 7-8 marzo)

O Burela FS atoparase co Azkar nas semifinais da Copa Galicia (Lalín, 7-8 marzo)

O Burela FS medirase ao Azkar Lugo, da División de Honra, na fase final da XX Copa Galicia, que terá lugar en Lalín en pleno Entroido 2011, entre o 7 e o 8 de marzo.


Transportistas e laranxas abrirán a cita coa primeira semifinal o luns 7, ás 19.00 horas, no pavillón Lalín Arena. Unha hora máis tarde enfrontaranse o honorable Xacobeo 2010 Lobelle e o Hotel Torques FS de Mera, de Primeira Nacional A. Os gañadores dos devanditos encontros veranse as caras na final do martes 8, con horario aínda por fixar.


O Burela FS logrou acceder a esta fase tras a vitoria de cuartos ante Ribeira de Piquín (2-4), o pasado 6 de decembro. Suso Rey reformou o cadro habitual cunha dose extra de xuventude para impoñerse aos de Primeira B, con Brais baixo os paus e outorgando minutos aos novísimos Paleta e Manu, ademais do xuvenil Antón. 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.