19/02/2011

As laranxas retoman o obxectivo da imbatibilidade ante o Natudelia (3-5)

As laranxas retoman o obxectivo da imbatibilidade ante o Natudelia (3-5)

Concentración e serenidade devolvéronlle ao Burela FSF Pescados Rubén un xogo eficaz, con control de balón e ritmo, ante o Natudelia.com Zaragoza (3-5). Os tres puntos permítenlles ás mariñás tomar distancia co Valladolid FSF, que perdeu na casa do Soto del Real (2-1), ademais de retomar a liña de imbatibilidade.


As pupilas de Javier Pardeiro concretaron unha primeira parte que rozou a perfección; souberon medir o seu dominio, a pesar da desafortunada finalización dos primeiros minutos, e conseguiron evitar o contragolpe como a grande arma das locais, sen apenas perigo para Jozi. No minuto 14, Vanessa abriu o marcador, cun zurdazo que bateu nunha rival e descolocou a porteira, e, sen deixar tempo de reacción, Lucía volveu perforar a meta maña pola escuadra.


O 0-2 do primeiro período axiña se multiplicou co reinicio. No primeiro minuto Lidia apareceu por partida dobre, nun contraataque para materializar nun lanzamento raso e, segundos máis tarde, subiu o 0-4 con autoridade, tras un roubo de balón. Claudia ampliou a vantaxe no seguinte minuto. Con esta clara distancia, a relaxación aflorou levemente nas filas laranxas e foi cando as zaragozanas aproveitaron para anotar o seu primeiro tanto (minuto 24). O 2-5 chegou nun contragolpe (26), porén o cadro de  Pardeiro plantouse e volveu asumir o dominio; aínda que o Natudelia puido marcar o 3-5 (34), as laranxas reconduciron a situación para presionar e asegurar o electrónico.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.