Actualidade
Un duelo directo agarda os laranxas en Lanzarote
Un duelo directo no fondo de play off agarda mañá os laranxas en Lanzarote, na vixésimo oitava xornada de Prata, entre a novena praza dos insulares (34 puntos) e a oitava dos mariñáns (40). O partido comezará ás 19.00 horas, no municipal del Argana, en Arrecife.
Aínda que nesta cita os pupilos de Suso Rey non verán perigar a posición actual, non poden descoidarse; teñen que saír da espiral sen triunfos e aproveitar o descanso do Arcebansa Zamora (40) e a difícil visita de ElPozo Ciudad de Murcia (41), do UPV Maristas Valencia (50), para afastarse do precicipio de play off. No entanto, o encontro preséntase con tinguiduras de guerra porque os canarios necesitan, e moito, os puntos para seguir vivos entre os candidatos ao ascenso; o Lanzarote Arrecife 2020 Tías Yaiza porá todo da súa parte, xa que o FC Barcelona (33), UMA Antequera (32) e Unión África Ceutí (32) están en disposición de arrebatarlle a praza. Despois de tres derrotas consecutivas ante rivais da zona nobre (Zamora 4-3, Puertollano 6-2 e Navarra 5-2), unidas á semana de descanso, a escuadra insular pelexará por subir de novo unha vitoria.
Segundo os datos facilitados polo club lanzaroteño, cos canteiráns burelistas Xuxa e Javi Fajardo, os locais terán a baixa do seu capitán Zeus, en proceso de recuperación da distensión nun xeonllo. Serán dúbidas Jordi, con problemas de nocello, e Solano, cunha sobrecarga. Pola súa banda, os laranxas contarán coa baixa de Minu e a dúbida de Juanma, que viaxou, aínda que sen garantías de regreso ás pistas tras a lesión de xeonllo. Tampouco estará Adriá Esteller, posto que o CNFS desestimou o recurso interposto en tempo e forma polo club mariñán e o xogador terá que cumprir un partido de suspensión por “dirixirse con expresións de desconsideración a un dos árbitros ao finalizar o partido do Extremadura-Cáceres 2016”.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas