06/03/2011

A derrota en Lanzarote prolonga a racha negativa do Burela FS

A derrota en Lanzarote prolonga a racha negativa do Burela FS

O equipo mariñán caeu ante o Tías Yaiza por 4-2 malia facer fronte aos locais, nun partido con alternancias na posesión e no que puido gañar calquera. Adiantou Johny aos canarios moi cedo (1-0. Minuto 5) pero respondeu rapidamente Ique para os laranxas (1-1. Minuto 11). Desde ese momento ata o descanso só foron capaces de anotar os locais, o que condenou o Burela FS a irse á caseta cunha desvantaxe considerable (3-1).


O segundo tempo foi de loita constante. Sempre e cando as goteiras no pavillón deixaban tempo para o xogo que, ademais do atraso inicial acumulado pola aparición de auga no interior, tivo que deterse nalgunha outra ocasión.


Ao gol de Purao no 19 (3-2) respondeu Solano co 4-2 no 27. Un resultado negativo que deixa o Lanzarote a tres puntos dos laranxas na loita polo play off e aperta os postos que dan acceso á quenda final.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.