10/03/2011

CP Casás, primeiro rival dos infantís na Copa Autonómica

CP Casás, primeiro rival dos infantís na Copa Autonómica

O CP Casás será o primeiro rival da ED EON Burela FS Infantil na fase previa da Copa Autonómica, que arrincará o 19 de marzo.


Tras o bo traballo da liga, na que acadou a terceira praza por detrás de Colegio Liceo e Azkar Lugo, o cadro mariñán afrontará a Copa en cinco xornadas xunto ao mencionado CP Casás, Concello de Guitiriz, O Parrulo FS e Hércules FS, no Grupo A. O B estará composto por IES Coruxo, Salesianos Vigo e Colexio Abrente e no C competirán Leis Pontevedra FS, Agrupación Deportiva Bueu e A Paz 03.


O primeiro de cada grupo accederá á fase final da Copa xunto ao segundo clasificado do Grupo de Campións, formado por Colegio Liceo e Azkar Lugo, da Liga Norte, e CD Beade e Vigo 2015 FS, da Sur.


Selección Galega. Os laranxas Christian García e Renato Lopes participarán esta fin de semana nunha nova concentración de Galicia Infantil, no Complexo Xuvenil As Mariñas de Bergondo. As localidades pontevedresas de Mos e O Porriño acollerán o Campionato Nacional de Seleccións Territoriais Infantís entre o 15 e o 17 de abril.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.