16/03/2011

O Burela FS ve escapar o empate co Zamora (4-3) nos últimos segundos

O Burela FS ve escapar o empate co Zamora (4-3) nos últimos segundos

O Burela FS mereceu máis sorte onte no Ángel Nieto. O desacerto na finalización volveu pasar factura para os laranxas, que viron como o empate co Arcebansa Zamora se lles escapaba a escasos segundos do final (4-3), cun rexeitamento de Edu que aproveitou Carlos Alberto.


No primeiro período púidose presenciar un continuo tira e afrouxa por ambas as dúas bandas. O gol temperán dos zamoranos (minuto 5) foi axiña neutralizado por Víctor Cachón (8). Novamente volveron adiantarse os pupilos de Juanito (10) e os mariñáns equilibraron o electrónico nas zapatillas de Christian, aínda que tiveron que conformarse con recibir o descanso con 3-2 (minuto 18).


Co reinicio apareceu un Burela FS máis dominador, con moitas ocasións de cara á portería que se resistiron unha e outra vez. Víctor Cachón materializou a igualada con xogo de cinco, no minuto 38; a menos de 20 segundos para o son da bucina final, os zamoranos anotaron o 4-3, tamén con porteiro-xogador.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.